تقول لي المريضة ذات ال ٢٤ عاماً: “والله يا دكتور أنا مبسوطة انه طلع عندي اكتئاب”،
ابتسمت و قلت لها الاكتئاب مرض مثله مثل الضغط والسكري هو ابتلاء للعبد كغيره من الأمراض فكيف مبسوطة عليه؟
تجيب المريضة بنبرة حزن و أمل:
” لأنه ما طلعت كسولة زي ما حكولي أهلي ، طلع السبب مرض “
“لأنه ما طلعت قليلة دين ، طلع السبب مرض “
“لأنه ما طلعت ما طلعت بليدة و ما بركز ، طلع السبب مرض”
“لأنه ما طلعت سلبية و ام نكد زي ما صاحباتي بحكولي، طلع السبب مرض”
“لأني فهمت المشكلة مبسوطة ، لأنه المرض في اله حل مبسوطة”
كثير في ناس بتستغرب من انه جزء من الأشياء الي كانوا بعتبروها جزء من شخصياتهم هي بالأساس أعراض دخيلة للاكتئاب أو القلق و أنه الحياة بدون هذه الأعراض أجمل و أحلى و اكثر إنتاجية و متعة.الاكتئاب مرض له علاج فعّال.القلق مرض له علاج فعّال
